Startseite

image-10875605-CD_NEU-9bf31.jpg?1607518880486
Mir begrüesset üch härzlich uf üsere Websiitä.

"20 Johr gläbti Musig"

So heisst üseri nüschti Produktion.
Mit viel Liidäschaft, Begeischterig und grosser Freud,
hät mä diä letschtä 20 Johr gmusigät und Musig richtig gläbt.
Wänn eim s`Musig machä im Bluet liit, so ünernimmts im Läbä meischt ä grossä Stelläwärt,
ja mängisch scho fascht erschtrangig.
Au gäbs ä ganz ä hufä Gschichtä z`verzellä,
wo die 20 Johr mit vielnä Erinnerigä präget und somit isch au dä CD Namä
"20 Johr gläbti Musig"
entstandä.

Ä hufä Idrück und wunderbari, jedä i siner Art,
einmaligi Aläss händ mir zämä mit Fründä und Fäns i denä 20 Johr, dörfä erläbä und gnüssä.
Unzähligi, schöni Bekanntschaftä, erfüllät üseri Härzä immer wieder mit viel Freud und Stolz.
Die vilä Live-Uftritt, die wunderschönä Wuschkonzärt im Radio und ds mitwürkä i Fernsehsändigä wiä
"Hopp dä Bäsä!" "Samschtig Jass" und "Potzmusig"
lönd üs ufblühä und bestärket üs, üserä musikalisch Wäg z`go.

Mit derä Jubiläumsproduktion "20 Johr gläbti Musig" wänd mir üs bi allnä liebä Fründä und Fäns rächt härzlich bedankä und freuät üs, viili witeri Johr mit üch dörfä z`erläbä.
Mit grosser Freud wünschät mir üch rundum gueti Unterhaltig und
viil Vergnüegä mit einigä sälbstkomponiertä wie au anderä heimäligä Lieder und urchigä Melodiä. 

​​​​​​​